عبدالله Admin
عدد الرسائل : 57 العمر : 32 المزاج : مستانس تاريخ التسجيل : 14/09/2008
| موضوع: قــــصــيــده لـــفـــخــــوذ الـــــــــــعــــــــجــــــمـــــان ـــــــ..............ـــــــ الجمعة نوفمبر 28, 2008 4:42 am | |
| حبيت انزل قصيدة الشاعر الكبير .. عبدالرحمن بن بديع الدرعاني الشهراني وهي رد على قصيدة الشاعر مانع بن شلحاط العجمي .. التي مدح فيها
فخــــــــــوذ العـــــجمـــــــــان,,
البارحه هوجسـت والجفـن مانـام..............ومانع ولـد شلحـاط قافـه شعانـي قضيت كل الليـل غنـى و درسـام............يومن هيضي مـن فراشـي حدانـي قعدت احـط ارقـام وامسـح ارقـام...........وعزمت اعسف القاف مهما عصاني حييت ياخـط بـك اخبـار واعـلام....................اعداد من صلى وصـام ارمضانـي ترحيبـة ن بنيتهـا بنـي الاهـرام.......................فيهـا عبيـر الـورد والقحويـانـي صورت يامانع لـي المشهـد العـام................والشوق لبيـوت القصايـد دعانـي قاف ابن قضعان وقاف ابـن وسـام........وقافك بقت في الشرق رمز ومعانـي ثلاثة ن يطـرح لكـم راس الابهـام..............وعسفتوا ابيوت القصيـد اعسفانـي ومدحت شهران ومعك عرف والهـام...........ومدحـك دفعنـي لـردود وخذانـي ودون اشهران اشيوخ وابدود والحـام............اقـول تسلـم واخـذ ردي عيـانـي المدح في العجمـان يلزمنـي اللـزام............امـدح رجـال ن فعلهـم ماخفانـي لاجـا نهـار فيـه لـروح ســوام........................تصمد وتصـدم بلجنـوب المتانـي ترد الحرايـب وردة المنهـل اهيـام............وتعدي على اظهور المهار اعديانـي غاراتهـم اتعقـب امـوات وايتـام...............واهل الكرم وقـت القسـى والليانـي ياربع ابن حثلين يا اهل الوفـا التـام..............للـي بقالـه فـي الجزيـره مكانـي راكان بن حثلين شاعـر وضرغـام...................شيـخ شجيـع فـارس صيرمانـي عجزوبه الاتراك والشـرق والشـام..........مشهور واشهر من سهيـل اليمانـي شلفاه تشدي فـي المهمـات لا قـام..........شلفا ذيـاب اللـي تفـض المحانـي شيخ على العجمـان فـارس ومقـدام...........ربعه هـل القالـه اطـوال اليمانـي وال ناجعه نصيتهـا مدحـي اشمـام...............زبـن الدخيـل امعربيـن المجانـي وال ضاعن اللي صيتهم في الزمن دام.......عوق الخصيـم امرفعيـن المبانـي قيدومهـا الدامـر محنـك وجـزام...................الفـارس اللـي مارضـى بلهوانـي اللي دمر مخلاص شمـر مـع يـام..................يومه رفـع سيفـه وجـر العنانـي والملتقم لاما زهم عـوق الاخصـام..........ال هادي اللي تقتضـي كـل شانـي وابن منيخر لا حصل حرب وزحـام...............هلل وكبر فـوق سـرج الحصانـي لا قال يـال سفـران دام الظفـر دام........غصب ن على الحساد قاصي ودانـي وال مفلح اللي تبرم الساحـة ابـرام............في الحرب لا جا لركـاب ارزمانـي وال صالح اللي ترغم العاصي ارغام...........ربع لبن طفـلان مـروي السنانـي ويبقى ل ال سليمان تاريـخ ووسـام............العـزوه اللـي مادخلهـا الهـدانـي وابن عصيـدان بيـده القنـا السـام.............اللي يجيله فـي الكبـود اقضعانـي والبيض ل ال مصرا شجيعين واكرام........جماعة ابن وذين مـروي الضمانـي وان صاح ابن مكراد للخيل ثم حـام...........تفازعو ال محفوض له فـي ثوانـي اللي بعضهم حل في الـرص واقـام..........هـل الجميـل امكرمييـن العوانـي والبيض ل ال حبيـش ورجالهـا لام.............هل العلا اللـي ماتحـب الطمانـي ربع الطويل اللي حكم حكـم الاعـدام..........فـوق الاعـادي والزمـن قلبـانـي وجريس بن جلبان لـروس صـرام..................لا صيح الصيـاح والحـرب حانـي وال شامر اللي لا كسى الهية اعسـام.......تركي لهـا مثـل البعيـر العمانـي وابن زنيفـر فـي المهمـات همـام...............يرد الوغـى يـوم الـردي مايدانـي ومنصور بن مطلق لهم درع واحزام...........ذرب اليميـن المنهـل الريهجـانـي صيته بقى للنـاس عـام بثـر عـام................راعي كرامه لـو يشيـن الزمانـي ومواقف ال خويطر اكبـار واجسـام................حرابهـم يبطـي كسيـر يعـانـي وال ريمه اللي تشعم النيـره اشعـام........اهـل الفعايـل كاسبييـن الرهانـي في مدحي العجمـان مانـي ابمـلام.............واثنيه لـو يزعـل فلانـي الفلانـي ان جو مجالسهـم سلاطيـن وحشـام.....وقوم شياطيـن ن اذا الوقـت شانـي تاريخهـم سجلـه ابـواب واقسـام...............وبكل اللغات يصوغـه الترجمانـي قلته وانا ربعي هل الموقـف الهـام..........شهـران لا سـد الكضيـم اللسانـي ترسي وتجعـل للعـدا حـد والجـام...........مثل البوارج لا رست فـي الموانـي وربعي بني واهب على جـور ليـام..................سجلهـا التاريـخ رمـز وبيـانـي فوق الرمك والجيش دكـه ودرهـام..............ويبركون الحيـل فـوق الصوانـي ربعـي اكعـام للمعاديـن وخــزام............وتروي القنا والسيف وقت الطعانـي تامن بهم طـراف وحـدود واقـوام............ز..والـذود يامـن والغـروس المثانـي تروح فرسـان العـدا منهـم اقـزام................وتفرهـم فـر الـرشـي لسـوانـي واذا غزا الطماع في حمـر الانعـام.............من فعلهم بتصيـر عشـره ثمانـي واذا غزوا دار العدا صارت احطـام.............يشدون سيـل يجعـل الحـي فانـي يشدون سيل جارح ضكه اعجام..................صوته يروع لاصفق في المحاني مثّلهـم الزلـزال فـي منطقـة يـام.................يـوم اقتلعهـا مالبحـر لصفهانـي يطـول بيرقهـم علـى كـل لعـلام..................مـن باسهـم يبقـى عيـان بيانـي ربع الفويه اللي العـدا منـه تنضـام..............خيـال سبـلا يـوم مـس البطانـي بشلفا تفض المخ لـو دونـه اعظـام.............شيـخ الشيـوخ وفـارس مايهانـي من شاع لا بيشه بها اجموع واكـوام..........وتمتـد شـرق لا حـدود اقحطانـي اقصى جنوب ديارهـم دار ال خـذام.............واسفـل منازلهـم نزلـه ادرعانـي واليوم يامانع عليـك الرضـا التـام..............منـا وتستاهـل اشحـوم السمانـي مدحت شيخي والجماعـه والاعمـام.........واظهرت مني واحـد مـن اخوانـي وحنا ترا ربع وبنـي عـم وارحـام..................وابغي الروايـه واضحـه للعيانـي والله يديـم الحكـم لـعـز حـكـام..................ال سعـود اموسسـيـن الكيـانـي القاده اللـي طبقـوا ديـن الاسـلام.......وفي حكمهم عشنا النعـم والجنانـي مافيـه مظلـوم ولا فيـه ظــلام.................عدل وسعـادة روح وامـن وامانـي لجل المواطن حققوا كل لحلام.....................وتحققـت لشعـب كـل الامانـي وتحفـظ ملكنـا الفـذ للامـه امـام...............يارازق الجنـه ومعطـي الحسانـي يامنزل سـورة تبـارك والـف لام..............ياللي كسيـت العظـم لحـم وبنانـي هذا وسقت القاف ليـن اذعـن ورام..............وانا عطيتـك يـوم ربـي عطانـي افخر وفاخر يابن شلحـاط فـي يـام..............وانـا بفاخـر وافتخـر بشهـرانـي
#### وصح لســــــــــــــــــــــــــان شاعرها كفى ووفى..الله لايهينه.. | |
|
محمد بن عسكر عضو جديد
عدد الرسائل : 5 العمر : 33 المزاج : رايق تاريخ التسجيل : 13/03/2010
| موضوع: رد: قــــصــيــده لـــفـــخــــوذ الـــــــــــعــــــــجــــــمـــــان ـــــــ..............ـــــــ الثلاثاء مارس 16, 2010 6:10 am | |
| | |
|
أبن ضاعن 101 عضو جديد
عدد الرسائل : 5 العمر : 26 المزاج : مبسوط تاريخ التسجيل : 12/08/2010
| موضوع: رد: قــــصــيــده لـــفـــخــــوذ الـــــــــــعــــــــجــــــمـــــان ـــــــ..............ـــــــ الأربعاء أكتوبر 27, 2010 10:26 am | |
| ونعم والله عقبال والله مانرد فيك ياذيب
أخكم/ علي العجمي | |
|