ياخليف انـا قلبـى همومـه تعوقـه
عزي لقلبٍ مولـع جـاه مـا جـاه
قلبـى كمـا طيـر تتلـه سبـوقـه
يبى العشا ومجود الطير مـا ارخـاه
علـى بنـى عـم دبشهـا تسوقـه
ويلي عليهم وألحـق الويـل ويـلاه
لا قالوا الصمـان ناضـت بروقـه
من هجر ناتـى بالمدلـل ونرعـاه
بجمع(ن) ضرير(ن) ماضيات طروقه
دايـم طروقـه مـن قديـم مخـلاه
نهـاج جـزلات الجماهـى غبوقـه
كـم شيـخ قـوم بالملاقـاه ناطـاه
تسمع مغـردة السعـد فـى وسوقـه
والموت يلقـى فـى شباتـه وبتـلاه
هواشـم شبـل الضرايـا تعـوقـه
لازم كبيـر القـوم تكثـر ضحايـاه
بسيوفنـا الحـد المطـرف نـذوقـه
والدار نرعابـه علـى كـل مجهـاه
وقصيرنـا يامـن ولاحـن نبـوقـه
على الكرامـه ليـن تقفـى رعايـاه
ونشـل منـه اللـى ثقيـل غموقـه
ومن بيننا يقلط على موخـر الشـاه
ويالله ياللـى ماحـد صـار فـوقـه
افـرج لمـن مثلـى بعيـد دنايـاه
قدلى وانا راجـى سرايـع فروجـه
ولانرجى الا نـو فضلـه وحسنـاه
خلص نشب عقـد عـراض حلوقـه
اشوف من فرقـاه مـا بـه مناجـاه
الا ان يجـذ الله مجامـع عـروقـه
ان راد فـك طـواه وان راد خـلاه
الرئيسية 
البوابة 
أحدث الصور 
التسجيل 
دخول 
الأحد مايو 10, 2009 6:45 am