شاعر منصور بن جعشه ال ضاعن

يقول الشاعر اللي لانطق ينصت له الطربـان
والا منه طرق يطرق جزيل الطرق من طرقي
والا منه بـدع مايبـدع الا خيـرة القيفـان
تغمض له عيوون الليل قبل يسافـر الطرقـي
وانا شاعر خذيت من البحور اللولو والمرجان
واهيم بكل وادي وادعـي والاحـي الورقـي
تعلمت الجزاله من صغر سني وانـا انسـان
اقول القول قبل افعل والا من قلت مـن حقـي
يهضني سواد الليل في صمتي وانـا سهـران
ويسحرني مغيب الشمس عند الساحل الشرقي
وانا شاعر من العجمان واعنز على العجمـان
الامن حطني وقتي عشـا لرماحـه الزرقـي
والا منه عواااا ذيب الغداري شامـخ النيبـان
عطيته رزقه المقسوم قبل اقبل علـى رزقـي
يقولون البحر يروي واقول فبيتـي المليـان
سراب الوقت لو يطمع به الضميان مايسقـي
انا ماقول متفلسف ولكنـي فصيـح السـان
ولا افرق مابيـن النـاس الا عارفـن فرقـي
وعلى الرجال لامنه وقف يصهل صهيل حصان
وكسير الساق الامنه جبر يشكي من العنقـي
بعدها شرهتي تلحق زماني والعقـل ميـزان
ليا هبت هبوب الشوق جف الدم مـن عرقـي
ليامني ذكرت اللي عليهـا خافقـي شفقـان
يشوقني لها شوقي ويسرقنـي لهـا سرقـي
ابلبس ملبس العزة واسرج مهـرة النسيـان
وامر الدار واعـرض عليهـا كننـي طرقـي