هاذي مرثيه للشاعر//هادي بن صالح الرزقي
بعد وفاة اخوه القصيده قديمه لاكن مالقيتها الا ذلحين
ياوجودي ياهلي والله ان قدلي سنه=
عايشن في غير وقتي وفي غير بلدي
وياوجودي وجد من طاول السقم ابدنه=
يرتجيني كل ليله وانا وش في يدي
الزمان الشين والبعد حاديني عنه=
في مغيب سهيل عني وانا عنه جدي
وياوجودي وجد من عاش في غير اوطنه=
والدهر والفقر والدين حادينه حدي
عاش بين القوم والوقت حده واشطنه=
والعرب مايرحمونه وهو حظه ردي
وياوجودي وجد من جاه علمن واذهنه=
قالوا افزع والحق اخوك قدام يغدي
يوم جاهم ينقلونه وضمه بكفنه=
قال ياوجدي او ويلي وياقل جهدي
كن نحيبه يوم صلى صلاته وادفنه=
شفع ليل يقشع الحيد والعرق الندي
صادني ماصاد قلبه وظامه واغبنه=
من سبب قلي وذلي وضيمي ووحدي
واحدن ماله ملاذن اليا ضاق ازبنه=
في شمات اعداه ذمه ولذمه فدي
لليالي والسباع المويقات اعدنه=
بالهموم يقيم وبقل توفيق يعدي
في رجا الله ثم رجا الجادي الي له سنه=
ولا انا لاذا زماني ولا ذا ببلدي